Ayat 1
بِسْمِ ٱللَّهِ ٱلرَّحْمَٰنِ ٱلرَّحِيمِ سَبِّحِ ٱسْمَ رَبِّكَ ٱلْأَعْلَى
(اے پیغمبر) اپنے پروردگار جلیل الشان کے نام کی تسبیح کرو
Ayat 2
ٱلَّذِى خَلَقَ فَسَوَّىٰ
جس نے (انسان کو) بنایا پھر (اس کے اعضاء کو) درست کیا
Ayat 3
وَٱلَّذِى قَدَّرَ فَهَدَىٰ
اور جس نے (اس کا) اندازہ ٹہرایا (پھر اس کو) رستہ بتایا
Ayat 4
وَٱلَّذِىٓ أَخْرَجَ ٱلْمَرْعَىٰ
اور جس نے چارہ اگایا
Ayat 5
فَجَعَلَهُۥ غُثَآءً أَحْوَىٰ
پھر اس کو سیاہ رنگ کا کوڑا کر دیا
Ayat 6
سَنُقْرِئُكَ فَلَا تَنسَىٰٓ
ہم تمہیں پڑھا دیں گے کہ تم فراموش نہ کرو گے
Ayat 7
إِلَّا مَا شَآءَ ٱللَّهُ ۚ إِنَّهُۥ يَعْلَمُ ٱلْجَهْرَ وَمَا يَخْفَىٰ
مگر جو خدا چاہے۔ وہ کھلی بات کو بھی جانتا ہے اور چھپی کو بھی
Ayat 8
وَنُيَسِّرُكَ لِلْيُسْرَىٰ
ہم تم کو آسان طریقے کی توفیق دیں گے
Ayat 9
فَذَكِّرْ إِن نَّفَعَتِ ٱلذِّكْرَىٰ
سو جہاں تک نصیحت (کے) نافع (ہونے کی امید) ہو نصیحت کرتے رہو
Ayat 10
سَيَذَّكَّرُ مَن يَخْشَىٰ
جو خوف رکھتا ہے وہ تو نصیحت پکڑے گا
Ayat 11
وَيَتَجَنَّبُهَا ٱلْأَشْقَى
اور (بےخوف) بدبخت پہلو تہی کرے گا
Ayat 12
ٱلَّذِى يَصْلَى ٱلنَّارَ ٱلْكُبْرَىٰ
جو (قیامت کو) بڑی (تیز) آگ میں داخل ہو گا
Ayat 13
ثُمَّ لَا يَمُوتُ فِيهَا وَلَا يَحْيَىٰ
پھر وہاں نہ مرے گا اور نہ جئے گا
Ayat 14
قَدْ أَفْلَحَ مَن تَزَكَّىٰ
بے شک وہ مراد کو پہنچ گیا جو پاک ہوا
Ayat 15
وَذَكَرَ ٱسْمَ رَبِّهِۦ فَصَلَّىٰ
اور اپنے پروردگار کے نام کا ذکر کرتا رہا اور نماز پڑھتا رہا
Ayat 16
بَلْ تُؤْثِرُونَ ٱلْحَيَوٰةَ ٱلدُّنْيَا
مگر تم لوگ تو دنیا کی زندگی کو اختیار کرتے ہو
Ayat 17
وَٱلْءَاخِرَةُ خَيْرٌۭ وَأَبْقَىٰٓ
حالانکہ آخرت بہت بہتر اور پائندہ تر ہے
Ayat 18
إِنَّ هَٰذَا لَفِى ٱلصُّحُفِ ٱلْأُولَىٰ
یہ بات پہلے صحیفوں میں (مرقوم) ہے
Ayat 19
صُحُفِ إِبْرَٰهِيمَ وَمُوسَىٰ
(یعنی) ابراہیم اور موسیٰ کے صحیفوں میں